काठमाडौँ । नेकपाको स्थापना दिवसकै अवसर पारेर शुक्रबार माओवादी केन्द्रीय सदस्य तथा सहकारी विभाग प्रमुख धर्मदत्त देवकोटा, अष्ट्रेलियाका लागि पूर्वनेपाली राजदूत तथा संविधानसभा सदस्य लक्की शेर्पा सिंगो टीमसहित एमाले प्रवेश गर्नुभएको छ । उहाँहरु दुवै जना माओवादी केन्द्रका पूर्वपोलिटब्यूरो सदस्य हुनुहुन्थ्यो ।

यस्तै लेखनाथ नगरपालिकाका पूर्वमेयर सालिकराम पौडेलसहित सागर ढकाल, डा. ल्हाक्पा शेर्पा, कोषबहादुर जिसीलगायतका चर्चित नेताहरु पनि एमाले प्रवेश गर्नुभएको छ । उहाँहरुलाई एमाले केन्द्रीय कार्यालय च्यासलमा शुक्रबार आयोजित बिशेष कार्यक्रममा एमाले अध्यक्ष केपी शर्मा ओलीसहित एमालेका शीर्ष नेताहरुले पार्टीमा स्वागत गर्नुभएको छ ।